LABLAR (LABHO) Ibn Sirin (r.a.)ning aytishicha, tushda lablarni ko‘rish hojatlarning ravo bo‘lishiga dalildir. Tushdagi pastki lab ustki labdan yaxshirokdir. Ba’zi ta’birchilarning aytishicha, tushdagi lab qarindosh va yaqinlarni bildiradi. Tushida ustki labi joyida yo‘q bo‘lib qolganini ko‘rsa, moli zavol topishiga dalildir. Pastki lab ham shu ta’birga ega. Tushida uning ustki labini kesib yuborganlarini ko‘rsa, xotinini taloq qilishini xotinini o‘ldirishlariga dalildir. Agar ikki labining tushib ketganini ko‘rsa, ota-onasi sababli unga musibat yetishini bildiradi, yana aytishlaricha, u chaqimchi bo‘ladi.
Agar tushida lablarini dardli ekanini ko‘rsa, g‘amgin bo‘lishiga dalildir. Tushida lablari bir-biriga yopishib qolganini va ularni ocholmayotganini ko‘rsa, ishlariga to‘siq paydo bo‘lishiga dalildir. Agar ayol kishi tushida labida qora xol borligini ko‘rsa, izzati ziyoda bo‘lishini bildiradi.
Mag‘ribiy (r.a.)ning aytishicha, tushida labini tishi orasiga olganini va yara qilganini ko‘rsa, ikki orada xusumat yuz berishi va uning uchun o‘lim xavfi borligiga dalildir. Tushida labi shishib ketganini ko‘rsa, moli ziyoda bo‘lishiga dalildir.
Tushida labi qizil bo‘lib qolganini ko‘rsa, farmon beruvchi bo‘lishini bildiradi. Tushida lablari yashil yoki oq ekanini ko‘rsa, do‘stlari uchun g‘am chekishiga dalildir. Tushida labi sust va zaif ekanini ko‘rsa, holi yomon bo‘lishiga dalildir.
Ja’far Sodiq (r.a.)ning aytishicha, tushdagi ustki lab o‘g‘illarni, pastki lab qizlarni bildiradi.
eng aniq tush tabirlari
