DUO QILMOQ (DUO KARDAN) Ibn Sirin (r.a.) aytadiki, tushda duo qilish hojatlarning ravo bo‘lishidir. Tushida o‘zi haqida duo qilayotganini va Xudodan kechirim so‘rayotganini ko‘rsa, ishlarining oqibati yaxshi bo‘lishi va hojatlari yuzaga chiqishini bildiradi. Tushida bir yaxshi odamni duo qilayotganini ko‘rsa, zulmu fasodga yo‘l qo‘ymasligini va amri ma’rufni bajo keltirishini bildiradi. Tushida xalqni duo qilayotganini ko‘rsa, xalq uchun xayrixoh bo‘lishi va hojatlari ravo bo‘lishiga dalildir. Tushida maxsus bir duoni o‘qiyotganini ko‘rsa, oilasida farzand tug‘ilishini bildiradi. Alloh ta’olo aytadi: Qachonki u Parvardigoriga xufya duo qilib. . . (Maryam surasi, 3-oyat).
Kirmoniy (r.a.) aytadiki, tushida qorong‘uda duo o‘qiyotganini ko‘rsa, bordi-yu solih va porso bo‘lsa, Xaq ta’olo uni yarlaqashini va hojati ravo bo‘lishini bildiradi, tush ko‘ruvchi yaramas kishi bo‘lsa, tavba qilmoq kerak, tush sohibi kofir bo‘lsa, musulmonga aylanadi.
eng aniq tush tabirlari
