BAYROQ (ALAM) Tushdagi bayroq dono kishi, zohid imom yoki odamlar ergashadigan bir shaxsdir.
Agar tushida qo‘lida bayroq borligini ko‘rsa, yuqorida aytilgan toifadan biri bilan tanishishi va undan rohat topishiga dalildir. Agar bayroq qo‘lidan tushib ketganini yoki yo‘qolib qolganini ko‘rsa, ta’biri aksincha bo‘ladi.
Kirmoniy (r.a.)ning aytishicha, tushdagi bayroq safarga dalil bo‘ladi. Agar tushida unga qandaydir bayroqni berganlarini yoki lashkar u bilan jam bo‘lganini ko‘rsa, izzat va ulug‘lik topishiga dalildir, xususan, bayroq yashil yoki oq bo‘lsa shundaydir.
Mag‘ribiy (r.a.)ning aytishicha tushida katta oq bayroq qo‘lida turganini ko‘rsa, bir yaxshi badavlat boy bilan suhbatdosh bo‘lishi va undan xayru manfaat topishiga dalildir. Agar yashil bayroq qo‘lida turganini ko‘rsa, zohid va dindor bo‘lishiga dalildir. Agar qora bayroq borligini ko‘rsa, qozi yoki xatib bo‘lishiga dalildir.
J a’far Sodiq (r.a.)ning aytishicha, tushdagi bayroq to‘rt narsani bildiradi: martabani; safarni; obro‘ni; yaxshi ahvolni.
eng aniq tush tabirlari
