SAHIFA (SAHIFA) Sahifa so‘zi uch ma’noga ega: maktub; qog‘oz; parda.
Ibn Sirin (r.a.)ning aytishicha, tutpida sahifaga biror narsa yozayotganini ko‘rsa, meros topishiga dalildir. Agar birovning qog‘oziga o‘zi uchun biror narsa yozayotganini ko‘rsa, bir dindor va omonatkor odamdan biror narsa topishiga dalildir. Agar qog‘ozga yashil xat bilan biror narsa yozganini ko‘rsa, musibatli bir odamdan biror narsa topishiga dalildir. Agar qog‘ozga biror narsa yozmaganini ko‘rsa, merosga yetmasligiga dalildir.
SAHIFALAR (SUHUF) Ibn Sirin (r.a.)ning aytishicha, tushida Ibrohim (a.s.)ning sahifalarini o‘qiyotganini ko‘rsa, unga biror kishi to‘g‘ri yo‘lni ko‘rsatishi va xatodan qaytarishiga dalildir, xususan, kitobning o‘zidan o‘qisa, shundaydir.
Ag‘ar sahifalarni yoddan o‘qiyotganini ko‘rsa, munofiq va riyokor odamlar bilan suhbatda bo‘lishiga dalildir.
Mag‘ribiy (r.a.)ning aytishicha, agar musulmon kishi Qur’onni ochib, o‘rniga Ibrohim (a.s.) sahifalarini o‘qiyotganini ko‘rsa, o‘zi islom dinida bo‘lib, g‘ayridinlarni yaxshi ko‘rish moyilligi borligiga dalildir.
