DEVOR Ibn Sirin (r.a.)ning aytishicha, devor tush ko‘ruvchining holatini bildiradi. Devorning mahkam va soz ekanini ko‘rsa, holatining soz bo‘lishiga dalildir. Devor eski bo‘lsa va uni yiqitayotganini ko‘rsa, molu davlat topishiga dalolat qiladi. Devor yangi bo‘lsa va uni buzayotganini ko‘rsa, devorning buzilishi mikdoriga qarab g‘amu anduh tortadi. Devorning sust va ingichkaligini ko‘rsa, ahvoli dunyoda zaif bo‘lishiga belgidir. Devorning qiyshayganini ko‘rsa, holining parishon va maishatining zavol topishiga dalildir. Devorning yiqilganini ko‘rsa, kasbu maishatdan ayrilishiga dalolat qiladi.
Kirmoniy (r.a.) aytadi: Shahar yoki masjid devorining qulaganini ko‘rsa, shahar hokimning o‘limiga dalildir. O‘z qo‘li bilan g‘ipggu loydan devor qilayotganini ko‘rsa, Ja’far Sodiq so‘zi bo‘yicha, dinining pokligiga dalolat qiladi. Ganch yoki pishiq g‘ishtdan devor qilsa, holining yomon bo‘lishiga, ohak va toshdan devor qilsa, dunyoga berilganiga, oxiratga tolib emasligiga dalildir.
the most accurate dream interpretations
