BORBAD (BARBAT) Ibn Sirin (r.a.)ning aytishicha, borbad o‘yin-kulgini va dunyoning botil havaslarini hamda yolg‘on so‘zni va mahol gaplarni bildiradi. Agar borbad chalayotganini ko‘rsa, yolg‘on va mahol so‘zlarni aytishi, biror kimsani yolg‘ondan madhu sitoyish qilishiga dalildir. Agar birovning o‘z oldida borbad chalayotganini ko‘rsa, mahol va botil so‘zlar eshitishiga dalil bo‘ladi. Agar borbad bilan birga chang, dutor hamda nay va shunga o‘xshash musiqa asboblarini chalayotganini ko‘rsa, o‘sha mavzega yetadigan g‘amu musibatga dalil bo‘ladi. Agar borbadni sindirganini yoki tashlab yuborganini ko‘rsa, yolg‘ondan va botil so‘zlarni aytishdan tavba qilishiga dalil bo‘ladi. Agar bemor bo‘lsa va borbad chalayotganini ko‘rsa, o‘limga dalildir.
Kirmoniy (r.a.)ning aytishicha, borbadni ustivor va ustodlarcha chalayotganini ko‘rsa, aslida esa chalishni bilmasa, bu tushni ko‘rayotgan kishi olim odam bo‘lsa, odamlarga ilmdan va ma’rifatdan gapirishiga dalil bo‘ladi. Agar bu tushni ko‘rayotgan kishi oddiy odam bo‘lsa, qilayotgan ishi tufayli odamlardan ta’na va malomat eshitishiga dalil bo‘ladi. Agar borbad ovozini eshitayotganini ko‘rsa, ulug‘ bir ayolning xabarini eshitishi va o‘sha ayol bilan oralariga do‘stlik tushishiga dalil bo‘ladi.
the most accurate dream interpretations
