Tarozi (23 sentyabr — 23 oktyabr)
Tarozi burji xarakteri va bir birlariga mosligi haqida malumot – tabiatan juda ochiqko’ngil bo’lgan tarozi burji vakillari birinchi suhbatdayoq hamrohida o’zlari haqida yoqimli taasurot paydo qila oladilar.
Bayram tadbirlarini, oilaviy bayramlarni, tug’ilgan kun sanalarini nishonlashni yaxshi ko’radigan mazkur burj vakillari o’sha davraning o’zidayoq odamlar etiborini o’zlariga jalb eta oladilar va o’zlariga nisbatan qiziqish paydo ham qiladilar.
Agar biror kishidan o’zlari uchun manfaat zarur bo’lsa, bunday odamlar bilan muomalani joyiga qo’yadilar. Tarozi burji insonlarning ko’pchiligida oldindan ko’ra bilish va his qilish qobilyati bor. Barcha boshlagan ishlarini qiyinchilik bilan bo’lsada nihoyasiga yetkaza oladilar.
Ularning tasavvur doirasi shunchalik kengki, bu fazilat tarozi burjidagilarning oilada, ishda, umuman har qanday faoliyatdagi muvaffaqiyatni taminlab beradi. Bu bilan bir qatorda jismoniy jihatdan ularni kuchli insonlar toifasiga kiritib bo’lmaydi, hamisha og’ir, majburiy mehnatdan o’zlarini yiroq tutadilar.
Tarozi burji insonlarini ruhan kuchli deb bo’lmaydi, chunki ular kichkina bir muammoni ham yengil qabul qilib ketavermaydilar. Ayniqsa, yaqinlarining boshiga tushgan biror falokat ham ularni qattiq iztirobga solishi mumkin. Tarozi burjidagilarning yana bir o’ziga hos hususiyati – o’rtadagi qandaydir tushunmovchilik tufayli kelib chiqqan hafagarchilikdan ham ular qattiq siqiladilar va hamisha aybni o’zlaridan qidiradilar.
Ikkinchi tomonda ham hato borligini bilganlari holda ularni tushunadilar va kelib chiqqan muammoli holatga ko’pincha o’zlarini aybdor sanaydilar. Shuning uchun tarozi burji, insonlarda kimdandir qattiq ranjish yoki ko’ngil qolishi holatlari bo’lmaydi, oradagi hafagarchilikni ham tezda unutib yuboradi va avvalgi munosabatni ham qaytadan tiklaydi.
Tarozi burji: erkaklar xarakteri haqida
Biz ko’pincha madaniyatli kishilar deb havas bilan qaraydigan insonlar orasida tarozi burjida tug’ilgan erkaklar juda ko’pchilikni tashkil qiladi. To’g’ri, ular shon Shuxrat cho’qqisini zabt etishga chiranmaydilar, ammo o’zlari va oilasi uchun to’kis, farovon hayotni taminlab bera oladilar.
Juda aqilli, ishning ko’zini biladilar, ammo biror ishni tavakkal qilib boshlolmaydilar. Bunga sabab o’z kuchlariga ishonmaydilar. Tarozi burjida tug’ilgan erkaklar ayollardagi aniq bir fazilatni tanlab yoqtirmaydilar. Bu insonlar o’zlarining ruhiy tomondan kuchli emasliklarini biladilar.
Shuning uchun turmush o’rtog’lari ularning kechinmalari, o’y fikrlaridan hamisha ogoh bo’lib turushi, ularni nimagadir ilhomlantirishi, hullas, har qanday sharoitda suyanadigan kuchli ayol bo’lishi kerak. Va aytish joizki, Burjlar orasida hech qaysi biri tarozi burjidagilardek ayollarga hurmat va ehtirom ko’rsata olmaydi.
Tarozi burji: ayollar xarakteri haqida
Har bir so’zida hikmat ufurib turadigan tarozi burji ayollari juda ko’pchilik erkaklarning orzusidagi ayoldir. Ular bilan bir marta gaplashgan odam yana qayta gaplashsam, deydi.
Chunki tarozi burji ayollari juda yaxshi maslahatgo’y, odamning dardiga darmon bo’la olishlari bilan ham kishi etiborini o’zlariga jalb qiladilar. Mazkur burj ostida tug’ilgan ayollar boshqalarda o’zlarining hayoti, oilasi haqida shunday tasavvur paydo qila oladilarki, ularning so’zlarini tinglab hayolingizda ideal oilani tasavvur qilasiz.
Ha, oiladagi muammolarni, boshidan kechirayotgan qiyinchiliklarni hatto eng yaqin insoniga ham bildirmaydigan bunday bardoshli ayollar juda kam uchraydi. Huddi shu jihatlari bilan ular hamisha erlarining hurmatiga, muhabbatiga sazovvor bo’ladilar, va aytish joizki ular bunga loyiqdirlar. Tarozi burji ayollari uchun erkaklarning o’zlariga nisbatan etiborli bo’lishlari katta mukofotdir.
