BUT Ibn Sirin (r.a.)ning aytishicha, butga cho‘qinayotganini ko‘rsa, Xudoga yolg‘on gapirayotgani va botil yo‘lda ekanligiga dalildir, Agar butni yog‘ochdan ekanini ko‘rsa va unga cho‘qinayotgan bo‘lsa, dinda munofiq bo‘lishiga dalildir. Agar butning kumushdan ekanini ko‘rsa, o‘z havoyi nafsi uchun birorta ayolga moyil ekaniga dalildir. Agar but oltindan ekanini ko‘rsa, uning mayli yoqimsiz ishlarga va mol yig‘ishga qaratilganini bildiradi. Agar but po‘latdan, misdan yoki qo‘rg‘oshindan ekanini ko‘rsa, uning maqsadi dindan ko‘ra, dunyo ishlari va molu mato qidirishga moyil ekaniga dalildir.
Kirmoniy (r.a.)ning aytishicha, butni javohirlardan ekanini ko‘rsa, maqsadi podshohlik, a’yonlar va xizmatkorlar sohibi bo‘lish ekanligiga dalildir. Agar butning uyida ekanini ko‘rsa, aql va ilmdan ajralishi va hayronlikda qolishiga dalil bo‘ladi.
Ja’far Sodiq (r.a.)ning aytishicha, tushda butni ko‘rmoq uch narsani bildiradi: botil yolg‘onni; munofiq makkorni; aldovchi fosiq ayolni.
eng aniq tush tabirlari
