2 tungi yoritgich himoyasida. Bu raqam dilbarlik ramzi bo’lib, unga oy bir tomondan yorug’lik tarasa, ikkinchi tomondan zulmatni yashiradi. 2 raqami qalb, his – tuyg’u va hayajon ramzi hamdir. Mazkur romantik raqam ostida tug’ilganlar nozik didli, kelishgan, madaniyatli kishilardir.
Ularning hurmatga sazovor jihati – odamlarni bir qarashda farqlaydilar va ularga shunga qarab muomala qiladilar. Hamma bilan ham do’st bo’lib ketavermaydi, o’zlarining olamiga yaqin bo’lmagan odamlarni nari itaradilar. Irim – sirimlarga mutlaqo ishonmaydi, omadga ishonishadi.
Ushbu sanada tug’ilganlarning ko’pchiligida oldindan ko’rish, his qilish qobilyati bor. Barcha boshlagan ishlarini qiyinchilik bilan bo’lsa-da ohirigacha yetkazadilar. Ular kuchli intelekt, aql – zakovat, tasavvur egalari hisoblanishadi.
Ularning qiziqishlari turlicha
2 raqami ostida tug’ilganlar – «soyadagi» yetakchilardir. Qiziqishlari turlicha bo’lsa-da, kasbiy, ijodiy faoliyatda, sevgida aql idrok ustunligiga egadirlar. Agar ularga kimdir qachonlardir yordam qo’lini cho’zgan bo’lsa, bu yaxshilikni hech qachon unutishmaydi, kezi kelsa o’zgalarning yaxshiligini ikki hissa qilib qaytaradilar.
Bunday bag’rikeng, chidamli, o’zgalar dardiga etiborli kishilardan yaxshi shifokorlar, yozuvchilar, diplomatlar chiqadi. Ular faqat yaqin insonlari orasidagina o’zlarini erkin va bemalol tutadilar. To’g’ri, 2 raqami sohiblarining ko’pchiligi shon-Shuhrat cho’qqisini zabt etmaydi, chunki raqobatchilik ruhi ularga hos emas. Tinchlik, xotirjamlikni afzal ko’rishadi. Jismoniy jihatdan kuchli bo’lmaydilar og’ir, majburiy ishlardan yiroq yurishadi.
Lekin bir kun kelib «ikkinchi skripka» rolini bajarish jonlariga tegsa, o’zlaridagi ortiqcha kamtarlikni yengib, dadil harakatga o’tadilar. Shuning uchun ularning aksariyati cho’qqiga ko’tarilishni kech boshlashadi. Ha, ular aqilli, farosatli, biroq o’z g’oyasini amalga oshirishda juratli, tirishqoq emas.
O’ziga bo’lgan ishonch yetishmaydi
Afsuski bunday insonlarda har doim o’z kuchiga bo’lgan ishonch yetishmaydi. Ko’pincha taqdir ularga baht va omad imkoniyatini ato esa ham, mana shu noqisliklari tufayli ularni qo’ldan chiqarib qo’yishadi. Ohir-oqibatda «nima qilsam ekan?»degan savol oldida ojiz qolishadi. Mushkul vaziyatdan osonlik bilan chiqib ketolmay, tezkor qaror ham qabul qilolmaydilar.
Ular barcha narsani borligicha qabul qiladilar. Boshqalarga yaxshi bo’lishi uchun o’z hotirjamligidan ham kechadilar. Bunday insonlar haqidagi yagona fikir shuki, ular umrlari davomida boshqalar bilan emas, faqat va faqat o’zlari bilan kelisholmay yashaydilar.
2 raqami ostida tug’ilganlarda har doim pul bo’ladi, ammo pul ular uchun unchalik katta ahamiyatga ega emas. Ayol yoki erkak bo’lishlaridan qatiy nazar, yaqinlari oldidagi masuliyatini hech qachon unutishmaydi. Bunday odamlarga turmushga chiqqan ham, uylangan odam ham bahtlidir, chunki ular sevganlariga butun dunyoning barcha narsalarini hadya qila oladilar.
Mehr va sadoqatda tengsiz
Sadoqat va mehr ko’rsatishda bundaylarga teng keladigani yo’q. Shuningdek, yig’indisi 2 raqami bilan bog’liq sanada tug’ilganlarning ko’pchiligi ko’ngilchang bo’lib, yaqin insonlarining ruhiy holatidan tez iztirobga tushadilar. Boshqalar ularning ko’nglini og’ritadigan bo’lsa, o’sha odamdan xafagarchiligi uzoq vaqt davom etmaydi.
Aksincha, nohush holatlarda aybini ko’pincha o’zlaridan qidirishadi. Birovdan gina ham saqlamaydilar, boshqalarning unga yomonligi uchun qasd ham olmaydilar.
Kurash bunday insonlarga zavq bag’ishlashi qiyin. Agar o’zlarini ishga, ijodga, ishqqa, oila va farzandlariga to’liq baxshida etishsa, o’shanda ko’ngillari hotirjam tortadi.
Shunday qilib o’zlariga tinch va shinam, yaxshi tashkil etilgan dunyo yaratib oladilar, tashvishlardan qochib yashashni yoqtiradilar. Mazkur sanada tavallud topganlar orasida buyuk davlat arbobi Mahatma Gandi ham bor.
